"Lorem ipsum dolor sit amet, consectetur adipisicing elit, sed do eiusmod tempor incididunt ut labore et dolore magna aliqua.
მთავარი » 2011 » ნოემბერი » 3 » “დუ-დუნა წვიმა”, 80 წლის მასწავლებელი და სოფლის სკოლაში გატარებული 6 თვე by depressroyale
7:35 PM
“დუ-დუნა წვიმა”, 80 წლის მასწავლებელი და სოფლის სკოლაში გატარებული 6 თვე by depressroyale

საუკუნეა statiebs ფორმატი დავუკარგე, და პირადზე არაფერი დამიწერია. არადა ერთი-ორი სასიამოვნო ფაქტი კი მოხდა ჩემს ცხოვრებაში, ამაზე შემდგომ.

ჩემთვის დილა 9 ზე იწყება ვდგები, დავრბივარ ვვარჯიშობ, შევდივარ ნეტკაფეში ვამოწმებ კომენტარებს და ეგაა. შეიძლება ერთი-ორი დღით სოფელში წავიდე და ქალაქის ხვატს გავერიდო.სოფელთან დაკავშირებით ერთი ისტორია გამახსენდა, რომელიც არ შემიძლია, რომ არ მოვყვე.

ბავშვობაში, დედაჩემმა რაღაც პერიოდით სოფელში გამამწესა, ამიტომ გარკვეული დროის განმავლობაში იქაურ დაწყებით სკოლაში მომიწია სწავლამ.

ერთხელ ჩვენი კლასის ხელმძღვანელი და ”ყველაფრის” მასწავლებელი ავად გაგვიხდა. არ ვიცი ახლა როგორაა, მაგრამ ხომ გახსოვთ მეოთხე კლასამდე ყველა საგანს ერთი პედაგოგი რომ უძღვებოდა?

ახლაც ვკაიფობ ხოლმე, როცა მახსენდება მის მიერ ჩატარებული ფიზკულტურის გაკვეთილები,რომელიც მხოლოდ გამამხნევებელი ვარჯიშებით შემოიფარგლებოდა: ეს 80 წელს მიტანებული ქალი საოცარი მონდომებით გვიჩვენებდა ”რთულ” ილეთებს, რომლის სირთულეც ხელის თითების მიწაზე შეხებითა და ფეხებშუა ტაშის შემოკვრით განისაზღვრებოდა.

იმდენად ვიყავი შეჩვეული ამ სათნო და კეთილ მასწავლებელს, რომ მის შემცვლელთან შეგუება ძალიან გამიჭირდა, მით უმეტეს მას შემდეგ რაც ე.წ. სიღერის გაკვეთილზე მოხდა.

ეს ჩვენი ახალი მასწავლებელი (რომელიც 70 წლის გახლდათ)ხშირად გვთხოვდა ხოლმე ჭიქით წყლის შემოტანას” ჰოდა როცა თხოვნას ავუსრულებდით,მორცხვად გამოიღებდა პროთეზს და წყალში ათავსებდა. თავს იმით იმართლებდა, რომ ღრძილები ტკიოდა .

ციცინოს მეტყველების აპარატთან დაკავშირებული პრობლემებიც ჰქონდა, რაც ბგერათა შეუსაბამო ხმარებაში მდგომარეობდა, ასე მაგალითად ასო-ბგერა ”შ”-ს და ”ყ”-ს ნაცვლად ” კ”- ს ამბობდა და ასე შემდეგ.

ჰოდა ერთხელაც სიმღერის გაკვეთილზე გადაწყვიტა ჩვენთვის ” ჟუჟუნა წვიმა” ესწავლებინა. გადმოგვხედა კლასს და დაიწყო: ”აბა ბავშვებო, გაიმეორეთ ”დუ-დუ-ნა წვიმა მოვიდააა” და ჩვენც ცოტა გაკვირვებულებმა , მაგრამ მორჩილად გავიმეორეთ ”დუდუნა წვიმა მოვიდა” .

ბავშვებო ”დუდუნა” კი არა, არამედ ”დუდუნა” დაგვიმარცვლა და სცადა ამ საკითხში ჩვენი გარკვევა. ჩვენც მორჩილად გავიმეორეთ ”დუდუნა წვიმაააააა” . ”პატმასწმა” ახლა უკვე ხმას აუწია და ისევ დაგვიმარცვლა ”დუდუნა აააა”.

ჩვენც დავჭექეთ…… ” დუდუნა წვიმააააააააააა” ახლა უკვე იკივლა მოთმინებიდან გამოსულმა და ჩვენც კივილითვე მივეცით ბანი .

არ ვიცი რამდენად მართებული იყო მისი გადაწყვეტილება , როცა სათითაოდ ფეხზე გვაყენებდა და უკვე სიმღერის ხასიათზე ნაკლებად მყოფი, ჯიუტად გვამეორებინებდა ”დუდუნა წვიმას” და ჯიუტადვე გვექაჩებოდა თმაზე, ბოლოს კი როდესაც დაიქანცა, ბოლო ძალები მოიკრიბა და დაგვიკივლა:

”თქვენ გაგიპოთ გული, დუდუნა წვიმამ, თქვე გასაწყვეტლებოო” დასტაცა პროთეზიან ჭიქას ხელი და დემონსტრაციულად გაჩიქჩიქდა კლასიდან.

koka baramiZe

ნანახია: 447 | დაამატა: depressroyale | ტეგები: “დუ-დუნა წვიმა”, 80 წლის მასწავლებელი და სოფლის სკოლ | რეიტინგი: 0.0/0
სულ კომენტარები: 0