იპოვე მეგობარი?

ნაწნავის ამ ტიპის სახელი სულ ახლახანს გავიგე, იქამდე "აი, რაღაცნაირი ნაწნავი როა”-ს ვეძახდი : )) მოკლედ, თმის წვნის სახეობა, რომელიც ძალიან მომწონდა  რამდენჯერაც ვხედავდი

სულ მეგონა, რომ ძალიან ძნელი გასაკეთებელი იყო იმიტომ, რომ ვერაფრით ვერ ამოვხსენი პრინციპი.

გუშინ, ბიბლიოთეკაში ჯდომისას დავინახე ერთი ახალგაზრდას თავზე და მაშინვე ჩავნიშნე ტვინში- სახლში მისვილსთანავე youtube-ზე უნდა მენახა ტუტორიალი!  დღეს დილით მოვიყვანე სისრულეში და აღმოჩნდა, რომ ძალიან მარტივია- ერთი მიხვედრა, პირველი ცდა და მერე სტანდარტულ ნაწნავზე ადვილიც კი გეჩვენება : ))

სქემატურად ასე გამოიყურება (მაგრამ ვიდეოთი უფრო მარტივია მიხვედრა):

მეც მაშინვე შევუდექი გაკეთებას. 15-20 წუთი ვიწვალე თავიდან. საერთოდ, ჩემი თმა, ექსპერიმენტების შემდეგ არც ისე კარგ მდგომარეობაშია და ისედაც, სქელია. ამიტომ არც ისე მარტივად იყო საქმე. ნაწნავის ფორმა/ ზომა/ ხარისხი თმების მოცულობაზე, ფორმაზე და ხარისხზეც არის დამოკიდებული. ჩემი პირველი მცდელობა გამოვიდა ასეთი:

ცოტა ასიმეტრია იქნებოდა, რა თქმა უნდა, ახალი ნასწავლი მქონდა :D თან ვიფიქრე, ალბათ არ გამომდის მეთქი ისე გაიწეწა, მაგრამ ჩემი თმის ბრალი იყო. უნივერსიტეტში, გამოცდის წინ ლოდინისას დავუარე იქაურობას და 3 დავწანი, სამივე სხვადასხვანაირი ტიპის თმაზე. ყველაზე დალაგებული ირინასი გამოვიდა, რბილი, ჯანმრთელი და სწორი თმა აქვს. თამუნას აჩეხილი ჰქონდა და ნელ-ნელა ცოტა გაიწეწა. ეკას კიდევ მოკლე და ოდნავ ხვეული თმა აქვს. ეს ყველაფერ ხელს არ უშლის გაკეთებას, მე მომწონს, თუნდაც გაიწეწოს. თან, თუ გავითვალისწინებთ, რომ უცებ გავაკეთე და მაქსიმუმ 5 წუთი დავხარჯე თითოზე…რომ დაუჯდე და წვრილ-წვრილად აიღო თმა, უფრო ლამაზი და კარგი გამოვა<3

მოკლედ, მოხარული ვარ, რომ ბოლოსდაბოლოს  ვისწავლე.  თუ თქვენც ისწავლით (ვინც არ იცოდა), პირველი ცდა მაჩვენეთ აუცილებლად: )

მე წავალ და პრაქტიკას განვაგრძობ, ისე მომწონს, გამვლელმა რომ მთხოვოს დამიწანიო, სიხარულით დავამშვენებ :D