"Lorem ipsum dolor sit amet, consectetur adipisicing elit, sed do eiusmod tempor incididunt ut labore et dolore magna aliqua.
მთავარი » 2011 » ნოემბერი » 4 » ყველაზე დიდი განძი რაც მშობლებისგან მერგო
7:33 AM
ყველაზე დიდი განძი რაც მშობლებისგან მერგო

რა აღარ უჩუქებიათ ჩემს მშობლებს. მაქვს უამრავი ნივთი რომელიც ჩემმა მშობლებმა მიყიდეს. მაქვს უამრავი სასიამოვნო დღე რაც მათ მაჩუქეს. მე ყველაზე მაგარი მშობლები მყავს რადგან ისინი თითქმის ყველა სურვილს მისრულებენ და არასდროს არ მზღუდავენ. ვიცი რომ ორივეს სიგიჟემდე ვუყვარვარ და მეც ძალიან მიყვარს ისინი. ამ სიყვარულით მათ ბევრი საჩუქარი გამიკეთეს და ბევრი რამ მომცეს. მაგრამ ყველაზე ძვირფასი მათგან მხოლოდ ერთია. ეს საჩუქარი მათ ჩემ დაბადებამდე 7 წლით ადრე მომიძღვნეს. ეს უდიდესი განძი კი ჩემი დაა…..                        ჩემი და თაკო კილაძე რაღაც განსაკუთრებული მოვლენაა. ბუნების მე-8-ე საოცრება. ეს არის ადამიანი რომელის სიტყვებით დახასიათებაც კი მიჭირს მოდი დავიწყებ ცუდი მხარეებით :დ                                                                                                                        როდესაც ცუდ ხასიათზეა შეუძლია დამახრჩოს ალბათ. დადის და უაზროდ მლანძღავს, ყველაფერზე მეჩხუბება და მიყვირის. იცის უაზრობებზე ჩემი კრიტიკა და ხშირად დებილს ან საცოდავს მეძახის. პატარაობაში ისე ეჭვიანობდა ჩემზე რომ მე-7-ე სართულიდან ჩემს გადაგდებაზე ფიქრობდა, მაგრამ საბედნიეროდ ბებიაჩემის წყალობით ცოცხალი ვარ და ამ პოსტს ვწერ. მისმა ყველა სიტყვამ შეიძლება გული გატკინოს და ნერვები მოგიშალოს. ხშირად უაზროდ იბუტება და არ ამბობს რატოა ცუდ ხასიათზე. შეუძლია მთელ ოჯახზე იყაროს ჯავრი როდესაც ცუდათაა და როდესაც ეგ ცუდათაა სხვას არავის აქვს კარგად ყოფნის უფლება.                                                                                       რაც შეეხება სხვა დადებით თვისებებს. ჩემი და არის ძალიან საყვარელი და კარგი ადამიანი. ის არასდროს გათათხავს ტყუილ უბრალოდ სხვა ადამიანს. ვინც მართლა უყვარს იმის ერთდული იქნება მთელი სიცოცხლე არასდროს უღალატებს და არასდროს ატკენს გულს.არასდროს არ მოაჩვენებს ადამიანს თავს ვითომ ძალიან უყვარს და მზე და მთვარე ამოსდის მასზე. არასდროს გაუცრუებს ვინმეს იმედებს და ყოველთვის შეუსრულებს საყვარელ ადამიანს დანაპირებს. არასდროს არავის დაამცირებს, დასცინებს და არ იჩხუბებს. არასდროს არ დაანაგვიანებს ქუჩას და დაარღვევს წესრიგს. არასდროს მოიქცევა უტაქტოდ და არ დაივიწყებს ზრდილობას. არასდროს აწამებს ცხოველს და დაჩაგრავს ვინმეს. გიჟდება საშინელებათა ფილმებზე მაგრამ არსებობს ფილმები რომლებზეც თვით თაკოც კი ტირის. არასდროს არავის დაანახვებს იმას რომ ვიღაცაზე მეტად ჭკვიანი. უფრო მეტი იცის და უფრო მეტი გარკვევა აქვს ყველაფერში. ძალიან ლამაზია, ძალიან ლამაზი ტანი აქვს და საოცარი სახის ნაკვთები, საოცარი ფერის თმა, მაგრამ არასდროს არ ცდილობს რომ ვინმემ ეს სილამაზე დაინახოს. მოკლე კაბა რომ ჩააცვა ალბათ ძალა უნდა იხმარო :დ არადა იმდენი მახინჯი დადის მოკლე კაბებით უმოკლესი შორტებით. ყველას უჟმური და უხასიათო ჰგონია მაგრამ რომ გაიცნობენ შეუძლებელია წარმოდგენა არ შეეცვალოთ. ძალიან მხიარული, ბავშვური და ორიგინალური ადამიანია. აქვს ძალიან მაგარი გემოვნება ყველა საკითხში და შეუძლია მომცეს ისეთი რჩევები რაც ძალიან გამომადგება. თაკო არის უწესიერესი ადამიანი და ყველაზე სათუთი გოგო ვისაც კი ვიცნობ. რატომღაც კიდევ არსებობენ იდიოტები რომლებსაც შეუძლიათ ამ ადამიანზე ცუდი თქვან ან გული ატკინონ მაგრამ ისინი "ადამიანები” არ არიან.        თაკო ჩემი ცხოვრების განუყოფელი ნაწილია. ის არის ადამიანი რომელმაც ჩემს გაზრდაში უდიდესი წვლილი შეიტანა. ეს არის ადამიანი ვისაც შეუძლია გამამხიარულოს მაშინაც კი როდესაც საშინლად ვარ. ეს არის ადამიანი რომელსაც ყოველთვის შეუძლია გამიგოს. დამამშვიდოს როდესაც ვიტირებ. მისი წყალობაა რომ ბავშვობიდანვე მაქვს ისეთი გემოვნება რაც არ აქვს ბევრ ჩემს თანატოლს. მისი წყალობაა რომ მე ასეთი განვითარებული და შედარებით ჭკვიანი ვარ. მისი წყალობაა რომ ცხოვრებაში არ ვუშვებ ისეთ შეცდომებს რასაც ბევრი ჩემი თანატოლი უშვებს. მისი წყალობაა რომ ამდენი ვიცი მუსიკაში, კინოში, თეატრში, მხატვრობაში, მწერლობაში. მისი წყალობაა რომ მე მაქვს ასეთი გემოვნება, ვარ ყველასგან განსხვავებული და თავისუფალი. ეს ის ადამიანია რომელიც არასდროს მიმატოვებს. მთლიანად ანი კილაძე მისი შექმნილია და მისი წყალობით ვარ ასეთი. მართალია ისე განვსხვავდებით ერთმანეთისგან როგორც ცა და დედამიწა მაგრამ მე მთლიანად მისი წყალობით ვარ ის ვინც ახლა ვარ და ვიქნები. ეს არის ადამიანი რომელიც მუდამ ჩემს გვერდითაა და ყოველთვის იქნება.  ყველაზე კარგად მიცნობს, ყველაზე კარგად იცის სინამდვილეში როგორი ვარ და ყველაფრის მიუხედავად მაინც ვუყვარვარ… მე კი ეს ადამიანი სიცოცხლეს მირჩევნია და მის გარეშე ჩემს ცხოვრებას არანაირი აზრი არ ექნება. ის ჩემთვის ყველაზე დიდი განძია რაც კი შეეძლოთ ოდესმე მოეცათ! 

ნანახია: 427 | დაამატა: depressroyale | ტეგები: ყველაზე დიდი განძი რაც მშობლებისგან | რეიტინგი: 0.0/0
სულ კომენტარები: 0