იპოვე მეგობარი?

ჩემო ძვირფასო მკითხველებო თქვენ ჩემი უახლოესი ადამიანები ხართ ამიტომ მინდა მოგიყვეთ ის რის გამოც მომავალი რამდენიმე კვირა დეპრესიაში ვიქნები. ჰარი პოტერი ეს არის წიგნი რომელიც მთელი ცხოვრება ჩემი მეგზურია. 5 წლიდან მიკითხავდნენ ამ წიგნს მერე კი ფილმის გამოსვლას გულის ფანცქალით ველოდებოდი. ასე დაახლოებით 9 წელი მაინც გრძელდებოდა. დღეს კი ეს ყველაფერი დამთავრდა. დღეს ჰარი პოტერის ბოლო ნაწილზე კინოში ვიყავი. ვაღიარებ რომ უამრავი ადგილი იყო გამოტოვებული ან ცუდად ნაჩვენები მაგრამ მაინც მომეწონა. იყო უამრავი სატირალი მომენტიც (რომელზეც მე ბღავილით გავსკდი). როდესაც გამოვდი კინოდან თავს ძლივს ვიკავებდი რომ არ ავბღავლებულიყავი.  მე არ მესმის იმ ხალხის რომელსაც არ უყვარს ჰარი პოტერი. ზოგიერთი მას საშიშად ან უბრალოდ ძაან ცუდ ფანტასტიკად თვლის. ზოგიერთი ამბობს რომ ჰარი პოტერი სატანისტურია. მე არ შემიძლია ამაზე ჩემი აღშფოთება არ გამოვთქვა და ერთ კარგ კითხვას დავსვავდი მაგრამ ცენზურას ვიცავ. ეს წიგნი სულაც არაა სატანისტური, არ მოუწოდებს ხალხს ცუდი საქმისკენ, არ ამბობს რომ ყველა ადამიანს შეუძლია ცოცხით ფრენა ან შელოცვების გამოყენება. პირიქით მე თუ მკითხავ ამ წიგნიდან უამრავი რამის სწავლა შეიძლება: მეგობრობის, სიმამაცის, სიკეთის და ასევე ბევრი სხვა რამის. მე არ ვიცი როგორ გადავიტან იმას რომ აღარ დაწერენ გაგრძელებას. რადგან მსგავსი ნაწარმოები არ შექმნილა და ალბათ კარგა ხანი არც შეიქმნება. ვინმე თუ გადაწყვეტს მიბაძვას არც ეს მოეწონება ხალხს რადგან ის წიგნი მხოლოდ ჰარი პოტერის ასლი იქნება და მიბაძვა. მე და პოტერი უკვე 9 წელზე მეტია ერთად ვართ. ჩვენ ერთად ვიპოვეთ ფილოსოფიური ქვა, ერთად შევედით საიდუმლო ოთახში, ერთად ვიხსენით ასკაბანის ტყვე, ერთად მოვიპოვეთ ცეცხლოვანი თასი, ერთად გავიგეთ წინასწარმეტყველება, ერთად ამოვიცანით ნახევარპრინცი და ერთად აღმოვაჩინეთ სიკვდილის ყველა საჩუქარი. ერთად ვისწავლეთ გარჩევა კარგი და ცუდი ადამიანების. გავიგეთ თურმე ვინ რას წარმოადგენდა და როგორი მამაცი ყოფილა ზოგიერთი ადამიანი ვინც უამრავი კარგი რაღაც გააკეთა.  ჯოან როულინგი კი ჩემი იდეალია რადგან ის ისეთი ღარიბი იყო ფურცლების ფული არ ჰქონდა. ახლა კი თითქმის ყველაზე მდიდარი ადამიანია. მან შექმნა ის ამბავი რამაც უამრავი ადამიანის გული დაიპყრო და სამუდამოდ დატოვა ჩვენს სულებში კვალი. უამრავ ადამიანს შეგვაყვარა თავისი პერსონაჟები და კიდევ უამრავს შეაყვარებს. ჩვენ მათ მაგივრად ხშირად შეგვრცხვენია, გვიამაყია და იქნებ მათთვის გვიტირია კიდეც. რაც შეგვეხება მე და პოტერს ჩვენ ახლაც ერთად ვართ. მთავარი არაა რომ დამთავრდა ეს ყველაფერი მთავარია რომ იყო და ყოველთვის იქნება როდესაც ამ წიგნს წავიკითხავ ან ფილმს ვუყურებ. ჩვენ მარად ერთად ვიქნებით სიკვდილამდე, მე კი არასდროს მომწყინდება მასთან ერთად ყოფნა……………………