იპოვე მეგობარი?

მხოლოდ ერთი ბიჭისთვის… მითქვამს სიტყვები "მიყვარხარ ყველაზე ყველაზე მეტად”, "უშენოდ მგონი მოვკვდები”, "გთხოვ არ მიმატოვო თორემ გავგიჟდები”, "შენ ჩემი სიცოცხლე ხარ”, "შენ ჩემი ოცნების ბიჭი ხარ” და ა.შ.

მხოლოდ ერთ ბიჭს ჩვხუტებივარ ასე ძალიან და ჩამიკრავს გულში, მხოლოდ მისთვის დამიკოცნია ტუჩები და პაწუა ცხვირი. დავმჯდარვარ და მხოლოდ მისი ძილისთვის მიყურებია. როდესაც ეძინა მდომებია რომ მივსულიყავი და ძალიან ძალიან მაგრად მეკოცნა.

მხოლოდ ამ ბიჭთან ერთად გადამიღია უამრავი სურათი. მართალია დიდად არ უყვარს სურათები მაგრამ სულ მე ვაძალებ ხოლმე რომ ჩემთან ერთად გადაიღოს ფოტოები.

ეს არის ბიჭი რომელსაც თითქმის ყველა უსაყვარლესად თვლის. (ნუ რა თქმა უნდა გამონაკლისებიც არსებობს) მაგალითად რამდენიმე ჩემი დაქალი მას დასანახავად ვერ იტანს (რატომ ვერც მე ვერ ვხვდები    )

ეს არის ბიჭი რომელიც არასდროს მიგატოვებს. უბრალოდ შეიძლება რამდენიმეჯერ დაიღალოს იმით რომ სულ ეფრები და კოცნი.

ამ ბიჭს შეუძლია ყოველთვის გაგართოს და კარგ ხასიათზე დაგაყენოს. ჩაგეხუტოს და გითანაგრძნოს როდესაც ცუდ ხასიათზე ხარ.

ის ისეთი საყვარელია რომ უყურებ შეიძლება ჩაყლაპო. მე რომ ვუყურე სულ მისი ჩახუტება და კოცნა მინდება. ის არასდროს გააკეთებს არაფერ ცუდს და არასდროს გატკენს გულს.

მხოლოდ ამ ბიჭისათვის… გავგიჟდებოდი, ვიტირებდი და ცუდად გავხდებოდი რომ დამეკარგა. მე ის ძალიან, ძალიან მიყვარს და არასდროს მივატოვებ. მასზე ვგიჟდები და არ ვიცი მის გარეშე რა მეშველება

პ.ს. პოსტში არ მიხსენებია რომ ეს ბიჭი ჩემი კატაა