იპოვე მეგობარი?

რაც დრო გადის, მობილურს უფრო და უფრო იშვიათად ვიყენებ. ამის მთავარი მიზეზი ის არის, რომ ინტერნეტში გადაინაცვლა კომუნიკაციებმა ჩემთვის, უკვე კარგა ხანია. თუმცა, გინდა-არ გინდა, მის გარეშე ყველაფერი რთულად არის. აბა, ვინმე რომ უნდა ნახო, გზაში მინიმუმ 2-ჯერ მაინც თუ არ "შეეხმიანე” და გადაამოწმე ვინ სად არის და რამდენ ხანში მივა, რაა მამული? : )) მოკლედ, რაც არ უნდა ვაფხლაკუნოთ ფეხები, კაცობრიობის ერთ-ერთი ყველაზე მნიშვნელოვანი გამოგონებაა და წარმატებით ვიყენებთ :D

მაშ ასე, ჩემს მობილურში აღბეჭდილი ბოლო "მოვლენები”:

ბოლოს შემოსული 3 ზარი:

Will.I.Am
26/04/11  9:50 AM

დილით გამღვიძებელ მესიჯზე "კანტროლკა” მოაყოლა. თვითონ აღელვებული იყო, რომ შვილი სკოლაში წაიყვანა და ღია არ დახვდა და  ხომ უნდა გაეზიარებინა ცალ თვალ გახელილი თინისთვის :D

Papi
25/04/11  4:23 PM

მამაჩემის მამამ, ჩვენებურ-კახურად პაპამ, გუშინ დამირეკა და ყველაზე მოულოდნელი კითხვა დამისვა- "შენი საიტის მისამართი როგორ იწერება?”. ცივ წყალს რომ გადაგასხავენ ისე მომივიდა, მაგრამ არ დავიბენი და ვუთხარი გათიშულია ახლა მეთქი. ჩემთან ერთად რომ ყოფილიყო იმ მომენტში, ვანახებდი, მაგრამ რა ვიცი, ვაი თუ სადმე ინტერნეტ კაფეში შევიდა და იქედან დააპირა შესვლა :))თვითონ არ იცის კომპიუტერის გამოყენება და უცხო პირები არ მინდოდა რაღაცნაირად :D

Dediko
25/04/11 12:50 AM

დედა ახლა ნინისთან და ქეთისთან ერთად ყვარელშია წასული. მე მამაჩემი და ჩემი ძმა მყავს ჩაბარებული და უკვე ერთი სული მაქვს ჩამოვიდეს, დავიღალე ამდენი საქმეებით:D თან მომენატრნენ :/

ბოლო 3 მესიჯი:

inbox: ბოლო მესიჯი Delivered რეპორტია, წაშლა დამვიწყებია. საერთოდ კიდევ, inbox-ს ხშირად ვაცარიელებ. ამორჩევა მეზარება დასატოვებლების და ერთიანად მივაშლი ხოლმე. თუმცა, არავითარ შემთხვევაში არ ვშლი სამშაბათ დილით მიღებულ მესიჯებს, რომელიც ყველანაირ სასიყვარულო-რომანტიკა-უწიპუწს მირჩევნია და იწყება მოლოცვით! :D დიახ, ჩემი ერთადერთი და განუმეორებელი BOSS-ი , ნიჭიერის წინა ღამის გადასარევ რეიტინგებს რომ მომსწერს ხოლმე, როგორ გინდა წაშალო! : ))

drafts: წუხელ დრაფტში ვიპოვე ასეთი მესიჯი "სიკვდილის მერე ხმა”. ამ დრომდე ვფიქრობდი რა მინდოდა და რა ჩავინიშნე, მისტიკაში გადავიჭერი კინაღამ. მერე  დილით  გამახსენდა, რომ კითხვა გამიჩნდა- შეიძლება, თუ არა, ჩემი "ხმა” დავტოვო რომელიმე პოლიტიკოსის სასარგებლოდ და არჩევნებში არ დამეკარგოს. ერთი მხრივ, რა ღორობაა- მე თუ მოვკვდი, რაღა შუაში ვარ, გაზის და წყლის გადასახადი მე არ მექნება და ასფალტზე არ ვივლი ,მაგრამ მეორე მხრივ- ქვეყნის მომავალი ხომ გადარდებს, მომავალი თაობები.. :D

sentbox: "სადხაარ ვა :D” – რა ლაკონური ვარ…

ბოლო 3 სურათი:

USB დავკარგე + ჩემი ფეისბუქი ბოლო დროს მმს-ით გაგზავნილ სურათებს არ ღებულობს და არ ვიცი რომლის ბრალია-მობილურის, თუ ფეისბუქის. უცნაური ხერხით მიწევს ბოლოს გადაღებული სურათების ჩვენება:

ლატე-ს სარკეში გადაღებული სურათი, სანამ დანარჩენები ალაგდნენ და წამოვიდნენ

პეგასუსის ავიაბილეთი ინგლისის მიმართულებით, რომელიც მამაჩემს ეკუთვნოდა, მაგრამ ისე მოხდა, რომ ვერ გამოიყენა გულის გამო |(  საშინელებაა ეს გაზაფხული ჯანმრთელობისთვის.

ჩიზბურგერი – პირველი ჩიზბურგერი ოპერაციის შემდეგ

ტელეფონის ზარი:

მუსიკა, რომელიც გიყვარს, არ უნდა დაიყენო ზარად! აა – რა! ჰოდა ბოლო რამდენიმე კვირაა სამსუნგის ერთ-ერთი სტანდარტული ზარი მიყენია.

wallpaper:

ისე მიყვარს, რომ აქ დასადებად არ მემეტება.

ნომრების წიგნის 3 ამოუცნობი ობიექტი:

• ავეჯი
• კერა
• o_O  - ამ უკანასკნელი სახელის დარქმევა რამ მომაფიქრა ნეტა ვიცოდე. ან ვინ არის, რას მოითხოვს  :D

აი, ეს ხდება ჩემს მობილურში, რომელიც ერთგული თანამგზავრია შინ, თუ გარეთ. განსაკუთრებით გარეთ- სახლში რომ ვარ შეიძლება არც დავხედო მთელი დღე.